德国之旅由慕尼黑开始，讲到慕尼黑，最出名应该都系啤酒。想饮正宗慕尼黑啤酒，一定要去市中心一间啤酒屋，呢间啤酒屋非常巴闭，因为佢系全球最大啤酒屋，可以容纳3500多人，而且有超过400年历史，绝对系慕尼黑必定唔可以错过的景点！
一入到去HB皇家啤酒屋（Hofbräuhaus München）已经感受到超热闹气氛，全场坐无虚席，可以同3000几人一齐饮啤酒，呢度根本每日都系啤酒节！啤酒屋装修好靓，人好多但楼底好高所以极具空间感，一点都不觉得挤迫。拱形天花板有好多壁画同挂灯，枱櫈都是木造，加埋侍应都系着巴伐利亚传统服饰，充满古典欧陆风情。
啤酒屋仲有现场乐队表演，同埋有室外的部份，个人觉得坐室内气氛好一点但会比较嘈，自己随意揾位坐就可以啦。
个menu都好靓，入面有讲啤酒屋历史，有个网上版，大家可以上网睇下有咩食。ONLINE MENU LINK
重点来了！呢度既啤酒全部都系一公升一杯架！就甘睇睇唔到有几大杯，于是拎佢同部iphone比对下，再同我个头比对下，大过我个头呀，真系好大杯架！！！（仲好重）啤酒有几种拣，我拣呢只系沟左柠檬汁，有少少甜味，都几好饮。
另外啤酒屋仲有好多野食，点左个薯仔汤，个汤加左好多杂菜，口感好丰富。主菜点左德国肠加薯仔沙律同烤猪加薯仔球，肠仔同烤猪都好食，烤猪个汁唔错。个薯仔球好得意，佢既质感系好烟韧的，同一般入口就溶化的薯蓉口感好唔同，但味道我记得系麻麻地，个薯仔沙律都系。
最后仲有甜品，云喱拿蛋糕Homemade steamed dumpling，口感似面包点云喱拿酱，味道都OK。如果大家对食物唔系太有兴趣，都可以饭后黎饮杯啤酒，感受下热闹欢乐气氛！
Hofbräuhaus München
地址：Platzl 9, 80331 München (慕尼黑市政厅附近）
营业时间：星期一至日 9:00-23:30